Сёння, 18 студзеня, прайшлі Калядкі ў 4 класах.
Набліжаюцца Каляды - свята, якое ў гадавым крузе старажытнай абраднасці беларусаў адзначаецца першым. Нашы продкі верылі, што з дапамогай магічных дзеянняў у гэтыя дні можна паскорыць надыход цяпла, хутчэй абудзіць зямлю-карміліцу, уздзейнічаць на будучыню. Кожны карнавал пачыналі звездары, якія насілі зорку "сонца" - сімвал святла. Калядоўшчыкі, перапранутыя ў казу, мядзведзя, цыгана, хадзілі па хатах, спявалі калядкі, наладжвалі варажбу, шматлікія гульні. Калядавалі больш за тыдзень.